ASOCIACION MAYAB

  U K’ULTAJIL YUM CHAAK


    Le ts’iib je’ela’ u ti’al u páatal in li’isik  k’áasbesajóob yanten úuch
    táan in paalil. Pa’atik in káasik yéetel u k’uultajil yum Cháak. U k’
    uultajil Cháake ku kaajal le ken chíinik k’iin, k’al áak’ab yéetel k’al k’
    in le ken sáasak te’ tu láak’ k’ino’. Ki’imak yool  tu láakal wíinik
    tumen yaam u beetkoob le k’ultajo’.

    Le ken chíinik kili’ich k’iine’, tu láakal máak taak  u su’uk’in yéetel lé
    jmeeno’. Ku bino’ob tée tu kúuchil le K’uultajo’, ku bin’oob yéetel ki’
    imak óolal tumen u yojeloob yaan xán u náysik yóoloob te tu
    chowakil le áak’abo’,  yéetel beey xán ku yuuk’ikoob baalche’.

    Le ken  tíip’ík kili’ich k’iine’ tu láakal wíinik taak u bin tée  k’ultajilo’,
    ku bisikoob kaaxoob, júuch’il ixi’im, úulumoob, túumben tikin ixi’im
    utíal sakáb, bak’el k’eeken, yéetel tu láakal u jeejelas xa’ak’oob u
    tíal u cha’akal k’ool tíal u jaanalil le xchóok’obo’ beey xán tu láakal
    u nu’ukul u tíal u beetchajal píiboob.

    Tíi le k’uultaj jéela’ je’el u páatal u bín tu láakal máak ku ts’íibotik u
    bine’. Je’ máaxak ka k’uchúk te kuuchilo’ yáax ba’ax ku k’aatchi’ijta’
    ati’e wa u k’áat  u yúk’ sakab wa baalche’. Le u yuk’ulil le sakabo’
    jach taa ki’ tu men ku pu’uk’ul u juuch’il sakáb yéetel kaab tial u ch’
    ujukta’, le tun le báalche’o wa ka sén uk’ yaabe’ je’el u
    káalkunsikeche’.

    Le ken ts’ookok u cha’akal tu láakal le jaanlo’ yéetel ken ts’ookok u
    jáalal le píibo’,lé jmeeno’ ku t’aalkuntík te ka’an che’o, ku beetik kili’
    ich t’aanoob ti yum Chaak, yeetel ti yum iik’ bey xan ku ts’aak ni’ip
    óolal ti letíoob ikil u síikoob kili’ich ja’ u tíal u meyajil le lu’umo’.

    Bey tuno’ in weet laak’ileex kíimak in wóol ikil in ts’iibtik le ba’ax
    paatcha’ in wilik te’ tu kili’ich lu’umil meyjí wíinikoob, u lu’umil u ch’
    iibalil Chéeloob, bix úuchik u K’ultikoob Chaak.  


    Ismael Chel
FOTOGRAFIAS DE LA
CELEBRACION DE CABEZA
DEL COCHINO EN OXKUTZCAB
2 DE ENERO DEL 2009
Haz click en cada fotografia para ver una
ampliación